Dil ko us kaa khayaal chhor gayaa

Maskan-e-maah-o-saal chhor gayaa

Dil ko us kaa khayaal chhor gayaa

Taazah-dam jism-o-jaan the furqat men

Vasl us kaa nidhaal chhor gayaa

Ahd-e-maazii jo thaa ajab purhaal

Aik viiraan haal chhor gayaa

Zaala-baarii ke marhalon kaa safar

Qaafile, paayemaal chhor gayaa

Dil ko ab ye bhii yaad ho ke na ho

Kaun thaa , kyaa malaal chhor gayaa

Main bhii ab khud se huun javaab-talab

Vo mujhe be-savaal chhor gayaa

Raqiib Se..

Zindaan Ki ek Subhaa..

Zindaan Ki ek Shaam..

ham par tumhaarii chaah kaa ilzaam hii to hai

ham par tumhaarii chaah kaa ilzaam hii to hai
dushnaam to nahiin hai ye ikaraam hii to hai

karate hain jis pe taa'n, koii jurm to nahiin
shauq-e-fuzuul-o-ulfat-e-nakaam hii to hai 

dil muddaii ke harf-e-malaamat se shaad hai
ae jaan-e-jaaN ye harf teraa naam hii to hai

dil naa-ummiid to nahiin, na-kaam hii to hai 

lambii hai Gam kii shaam, magar shaam hii to hai

dast-e-falak men, gardish-e-taqadiir to nahiin
dast-e-falak men, gardish-e-ayyaam hii to hai

aaKhir to ek roz karegii nazar wafaa
wo yaar-e-Khush_Khasaal sar-e-baam hii to hai

bhiigii hai raat 'Faiz' Gazal ibtidaa karo
waqt-e-sarod dard kaa ha.ngaam hii to hai

Faiz Ahmed Faiz 

Bahaar aaii

bahaar aaii to jaise ek baar
lauT aaye hain phir adam se
vo Khvaab saare, shabaab saare
jo tere honThon pe mar miTe the
jo miT ke har baar phir jiiye the
nikhar gaye hain gulaab saare
jo terii yaadon se mushkbuu hain
jo tere ushshaaq kaa lahuu hain

ubal pare hain azaab saare
malaal-e-ahavaal-e-dostaaN bhii
Khumaar-e-aaGosh-e-mahavashaaN bhii
Gubaar-e-Khaatir ke baab saare
tere hamaare
savaal saare, javaab saare
bahaar aaii to khul gaye hain
naye sire se hisaab saare

Faiz Ahmed Faiz

yuu.N na mil mujh se Khafaa ho jaise

yuu.N na mil mujh se Khafaa ho jaise
saath chal mauj-e-sabaa ho jaise 

log yuu.N dekh kar ha.Ns dete hai.n
tuu mujhe bhuul gayaa ho jaise

 

ishq ko shirk kii had tak na ba.Daa
yuu.N na mil hamase Khudaa ho jaise 

maut bhii aa_ii to is naaz ke saath
mujhape ehasaan kiyaa ho jaise

 

aise a.njaan bane baiThe ho
tum ko kuchh bhii na pataa ho jaise

 

hichakiyaa.N raat ko aatii hii rahii.n
tuu ne phir yaad kiyaa ho jaise

 

zindagii biit rahii hai "daanish"
ek bejurm sazaa ho jaise 

Ehsan Danish

kabhii mujh ko saath lekar, kabhii mere saath chal kar

kabhii mujh ko saath lekar, kabhii mere saath chal kar
vo badal gaye achaanak merii zindagii badal kar

huye jis pe meharabaaN tum koii Khush nasiib hogaa
merii hasaraten to nikaliin mere aaNsuuon men Dhal ke

terii zulf-o-ruKh ke qurbaaN dil-e-zaar DhuuNDhataa hai
vahii champaii ujaale vahii suramaii dhundala ke

koi phuul ban gayaa hai koii chaaNd koii taaraa 

jo chiraaG bujh gaye hain terii anjuman men jal ke

mere dosto Khudaaraa mere saath tum bhii DhuuNDo
vo yahiin kahiin chhupe hain mere Gam kaa ruKh badal ke

terii bejhijhak haNsii se na kisii kaa dil ho mailaa
ye nagar hai aaiinon kaa yahaaN saaNs le sambhal ke

Ehsaan Danish 

ishq kaa jaaduu

meraa tamaam fan merii kaavish meraa riyaaz 
ik naa-tamaam giit ke misare hain jin ke biich 
maanii kaa rabt hai na kisii kaafiye kaa mel 
anjaam jis kaa tay na huaa ho ik aisaa khel 
merii mataa bas yahii jaduu hai ishq kaa 
siikhaa hai jis ko main ne barii mushkilon ke saath 
lekin ye saahir-e-ishq kaa tohfaa ajiib hai 
khulataa nahiin hai kuchh ke haqiiqat men kyaa hai ye 
taqadiir kii ataa hai yaa ko_ii sazaa hai ye 
kis se kahen ai jaan ke ye qissaa ajiib hai 
kahane ko yuN to ishq kaa jaduu hai mere paas 
par mere dil  ke vaaste itanaa hai is kaa bojh 
siine se ik pahaar saa haTataa nahiin hai ye 
lekin asar ke baab men halkaa hai is qadar 
tujh pe agar chalaaun to chalataa nahiin hai ye

Amjad Islam Amjad

Muhabbat

sitaare jo damakate hain 
kisii kii chashm-e-hairaaN men 
mulaaqaaten jo hotii hain 
jamaal-e-abr-o-baaraaN men 

ye na abaad vaqton men 
dil-e-naashaad men hogii 
muhabbat ab nahiin hogii 
ye kuchh din baad men hogii 

guzar jaayenge jab ye din 
ye un kii yaad men hogii 

Amjad Islam Amjad

aaraa_ish-e-Khayaal bhii ho dil_kushaa bhii ho

aaraa_ish-e-Khayaal bhii ho dil_kushaa bhii ho 
vo dard ab kahaa.N jise jii chaahataa bhii ho 

ye kyaa ke roz ek saa Gam ek sii ummiid 
is ranj-e-beKhumaar kii ab intehaa bhii ho 

ye kyaa ke ek taur se guzare tamaam umr 
jii chaahataa hai ab ko_ii tere sivaa bhii ho 

Tuute kabhii to Khvaab-e-shab-o-roz kaa tilism 
itane hujuum me.n ko_ii cheharaa nayaa bhii ho 

diivaangii-e-shauq ko ye dhun hai in dino.n 
ghar bhii ho aur be-dar-o-diivaar saa bhii ho 

juz dil ko_ii makaan nahii.n dahar me.n jahaa.N 
rah_zan kaa Khauf bhii na rahe dar khulaa bhii ho 

garmii-e-hasarat-e-naakaam se jal jaate hain

garmii-e-hasarat-e-naakaam se jal jaate hain
ham charaaGon kii tarah shaam se jal jaate hain 

bach nikalate hain agar aatih-e-sayyaad se ham
sholaa-e-aatish-e-gulafaam se jal jaate hain 

Khudanumaa_ii to nahiin shevaa-e-arabaab-e-vafaa 

jin ko jalanaa ho vo aaraaam se jal jaate hain 

shamaa jis aag men jalatii hai numaaish ke liye
ham usii aag men gumanaam se jal jaate hain

 

jab bhii aataa hai meraa naam tere naam ke saath
jaane kyun log mere naam se jal jaate hain

 

rabtaa baaham pe hamen kyaa na kahenge dushman
aashanaa jab tere paiGaam se jal jaataa hai 

Qateel Shifai 

beqaraarii sii beqaraarii hai

beqaraarii sii beqaraarii hai
din bhii bhaarii hai raat bhaarii hai

zindagii kii bisaat par aksar
jiitii baazii bhii ham ne haarii hai

to.Do dil meraa shauq se to.Do
chiiz merii nahii.n tumhaarii hai

baar-e-hastii uThaa sakaa na ko_ii
ye Gam-e-dil jahaa.N se bhaarii hai

aa.Nkh se chhup ke dil me.n baiThe ho 

haa_e kaisii ye pardaa-daarii hai

Tabish Dehlvi

vahashat-e-dil silaa-e-aabalaa_paa_ii le le

vahashat-e-dil silaa-e-aabalaa_paaii le le
mujh se yaa rab mere lafzon kii kamaa_ii le le

aql har baar dikhaatii thii jale haath apane
dil ne har baar kahaa aag paraaii le le

mai.n to us subah-e-daraKhshaa.N ko tavangar jaanuu.N
jo mere shahar se kashkol-e-gadaaii le le

tuu Ganii hai magar itanii hai.n sharaayat merii
ye mohabbat jo hame.n raas na aaii le le

apane diivaan ko galiyo.n me liye phirataa huu.N
hai koii jo hunar-e-zaKhm_numaaii le le

Ahmed Faraz

gile fuzuul the ahad-e-vafaa ke hote hue gile fuzuul the ahad-e-vafaa ke hote hue

gile fuzuul the ahad-e-vafaa ke hote hue 
so chup rahaa sitam-e-naaravaa ke hote hue 

ye qurbato.n me.n ajab faasale pa.De ki mujhe 
hai aashnaa kii talab aashnaa ke hote hue 

vo hilaagar hai.n jo majabuuriyaa.N shumaar kare.N 
chiraaG ham ne jalaaye.N havaa ke hote huye 

na kar kisii pe bharosaa ke kashtiyaa.N Duubii.n 
Khudaa ke hote huye naaKhudaa ke hote huye 

kise Khabar hai ki kaasaa-ba-dast phirate hai.n 
bahut se log saro.n par humaa ke hote hue 

'Faraz' aise bhii lamhe.n kabhii kabhii aaye 
ki dil giriftaa rahaa dil_rubaa ke hote hue 

Ahmed Faraz

beniyaaz-e-Gam-e-paimaan-e-vafaa ho jaanaa

beniyaaz-e-Gam-e-paimaan-e-vafaa ho jaanaa 
tum bhii auro.n kii tarah mujh se judaa ho jaanaa 

mai.n bhii palako.n pe sajaa luu.Ngaa lahuu kii buu.Nde.n 
tum bhii paabastaa-e-zanjiir-e-hiinaa ho jaanaa 

Khalq kii sang_zanii merii Khataao.n kaa silaa 
tum to maasuum ho tum duur zaraa ho jaanaa 

ab mere vaaste tariyaq hai ilhaad kaa zahar 
tum kisii aur pujaarii ke Khudaa ho jaanaa 

Ahmed Faraz

faasale aise bhii ho.nge ye kabhii sochaa na thaa

faasale aise bhii ho.nge ye kabhii sochaa na thaa 
saamane baiThaa thaa mere aur vo meraa na thaa 

vo ki Khushbuu kii tarah phailaa thaa mere chaar suu 
mai.n use mahasuus kar sakataa thaa chhuu sakataa na thaa 

raat bhar us kii hii aahaT kaan me.n aatii rahii 
jhaa.Nk kar dekhaa galii me.n ko_ii bhii aayaa na thaa

aks to maujuud the par aks tanahaa_ii ke the 
aa_iinaa to thaa magar us me.n teraa cheharaa na thaa 

aaj us ne dard bhii apane alahadaa kar diye 
aaj mai.n royaa to mere saath vo royaa na thaa 

ye sabhii viiraaniyaa.N us ke judaa hone se thii.n 
aa.Nkh dhu.Ndhalaa_ii hu_ii thii shahar dhu.Ndhalaayaa na thaa 

yaad karake aur bhii takaliif hotii thii "Adeem" 
bhuul jaane ke sivaa ab ko_ii bhii chaaraa na thaa 

Adeem Hashmi

dil ajab gumbad ki jis men ik kabuutar bhii nahiin

dil ajab gumbad ki jis me.n ik kabuutar bhii nahii.n
itanaa viraa.N to murdaaro.n kaa muqaddar bhii nahii.n

Duubatii jaatii hai.n miTTii me.n badan kii kashtiyaa.N
dekhane me.n ye zamii.n ko_ii samandar bhii nahii.n

jitane hangaame the suukhii Tahaniyo.n se jha.D gaye
pe.D par phal bhii nahii.n aa.Ngan me.n patthar bhii nahii.n

Khushk Tahanii par parindaa hai ki pattaa hai 'Adeem'
aashiyaanaa bhii nahii.n jis kaa ko_ii par bhii nahii.n

jitanii pyaarii hai.n merii dharatii jo zanjiire.n 'Adeem'
itanaa pyaaraa to kisii dulhan ko zevar bhii nahii.n

Adeem Hashmi

Koun si baat hai tum main aisi~~~~~~~Itne ache kyon lagte ho?

Itni muddat baad mile ho!

Kin sochon main gum phirte ho?

Apni kaho ab tum kaise ho?

Raat bohot hi yaad aaye ho

Phir bhi kitne door khare ho

Meri khatir kyon uljhe ho?

Main jhoota hoon, tum suche ho

Patthar ban ker kya takte ho?

Itne ache kyon lagte ho?

Tum darya se bhi gehre ho!

Raat gaye tuk kyon jaage ho?

Rait pe kya likhte rehte ho?

Her aahat se darr jaate ho

Jaise ho, phir bhi ache ho

~ Mohsin Naqvi ~

Woh Reh-guzar Jo Andheroon Mein Saans Leti Thi..!!

Hamaray Baad Chali Rasm-e-Dosti Keh Nahe..??

Hawa Ki Zadd mein Koi Shamaa Phir Jali Keh Nahe..!!

Bichar kay Jab Bhi Milay Mujse , Pochta Hay Woh Shaks..!

Keh In Dinoo Koi Taza Ghazal Howe Keh Nahe..??

Suna Hay Aam Thi Kal Shab Ko Chaand Ki Bakhshish...!!

Bujey Gharoon Mein Bhi Uthri Hay Chandni keh Nahe..??

Nikal Kay Jissey Howa Apna Dard Awara...!!

Kisi Kay Dil Mein Woh Mehfil Bhi Phir Saji Keh Nahe..??

Woh Reh-guzar Jo Andheroon Mein Saans Leti Thi..!!

Tumharay Naqsh-e-Qadam Say Chamak Utti Kay Nahe..??

Diyaar-e-Hijar Say Aye Hoo Kuch Kaho Mohsin..!!

Keh Shaam-e-Ghum Bhi Kisi Morr Par Mili Keh Nahe...???

Mohsin Naqvi

Kab tuk tu oonchi awaaz main bole

Kab tuk tu oonchi awaaz main bole ga?

Teri khatir kaun dareecha khole ga?

 

Apne aansoo apni aankh main rehne de!

Rait main kab tuk heere moti role ga?

Aao sheher ki roshaniyan hi dekh aayen!

Kaun humari khaali jaib tatole ga?

 

Laakh mere honton per chub ki mohren hon

Mere andar ka fankar to bole ga!!

 

Dekh woh apni meethi meethi baaton se

Apna sara zeher tujhi main ghole ga

Ay soudagar chahat ki jageeron ke!

Kis mezan main tu is jins ko tole ga

Mohsin uski narm tabiyat kehti hai!

Pal do pal woh mere saath bhi ho le ga

Mohsin Naqvi

Marhly Shoq k Dushwar hova karty hain

Marhly Shoq k Dushwar hova karty hain 

Saye bhe Rah ki Dewaar hova karty hain 

Wo jo Sach Bolty Rehny ki Qasam khatay hain 

Wo Aadalat me GunheGar Hova Karty hain 

Sirf Hatho ko Na Dekho kabhi Aankhain bhe parho

Kuch Sawali Bary Khudaar hova karty hain

Wo Jo Pathar Younhi Rasty Me Pary Rehty hain

Un k Seenay me bhe Shahkaar hova karty hain

Subha ki Pehli Kiran Jin ko Rula Deti hai

Wo Sitaroon k Azaadar hova karty hain

Jin ki aankho me Sada Pyaas k Sehra Chamkain

Dar haqeeqat Wohi Fankar hova karty hain

Sharm Aati hai k Dushman kisay Samjhain Mohsin

Dushmani k bhe to Mayyar hova karty hain

Mohsin Naqvi 

Mere Salgiraa !!

Zindagi... taiz bahut taiz hawa ka jhonka

Jalti bhujti huwi sham'ain mein mah-o-saal mere

Dhalta suraj mere maazi ke lehad ka qutba

Raig-e-sehra ki lakeerain hain khad'o'khal mere

Aaj ki shaam, ke har saal issi shaam ke saath

Meri ukhri huwi saansoon mein girah lagti hai

Aasmaan wakt ke aanchal ki dhanak bunta hai

Saari dharti tan-e-arreyaan ki zirrah lagti hai

Aaj ki shaam ke har saal mere zakhm nawaz

Muskurate huwe kuch phool ata karte hain

Kuch maseha meri khaatir mera dil rakhne ko

Khat mein jeene ki dua bhi diya karte hain

Saal-ha-saal guzarne pe bhi ay dil zadgaan

Aaj ki shaam manate huwe dar lagta hai

Muskurate huwe chehroon ke bhanwar hain lekin

Aakhri shamma jalate huwe dar lagta hai

Dil dharakta hai ke jalti huwi sham'oun ka dhuwaan

Shoula-e-karb mein thehleel na hojaye kaheen

Ji larazta hai ke manzar ke adhore pan ki

Aaj ki shaam se takmeel na hojaye kaheen

Aao kuch dair ko hum zakhm shumari kar lain

Aur kuch dair mein har shamma phighal jayegi

Aaj ki bazm mein khoo jayain kaheen so jayain

Aaj ki shaam bhi kuch dhair mein dhal jaayegi

Jalti bhujti huwi sham'oun ka bharosa kya hai

Zindagi.. taiz bahut taiz hawa ka jhonka ..

Mohsin Naqvi

Aye shehr yaar dasht say fursat nahi — magar!!,,,,,,,,,,,,,,!!!!!!

Aankhain khuli rahain gi toh manzar bih ayengai
Zinda hai dil toh aur sitamgarr bhi ayengi

Pehchaan lo tamaam faqeeron kay khadd-o-khaal
Kuch log shab ko bhais badal kar bhi ayengi

Gehri khamosh jheel kay paani ko yun na chaidh
Cheenthay uday toh teri qaba par bhi ayengi

Khud ko chhupa na sheesha garon ki dukhaan mai
Sheeshay chamak rahey hain toh pathar bhi ayengi

Aye shehr yaar dasht say fursat nahi — magar!!
Niklay safar pay hum toh teray ghar bhi ayengi

Mohsin abhi saba ki sakhawat pay khush na ho
Jhonkay yehi basoorat-e-sarr sarr bhi ayengihttps://www.facebook.com/pages/My-Mohsin-Mohsin-Naqvi/111594448897984?sk=notes

Tamam umar wohi qissa-e-safar Kehna

Tamam umar wohi qissa-e-safar Kehna

K Aa saka na humein apne ghar ko ghar Kehna

 Jo din ho toh tere wasl ki dua Kerna

Jo raat ho toh dua hi ko be-asar Kehna

 Ye keh ke doob gaya aaj aakhri Suraj

K ho sake tou issi shab ko ab seher Kehna

 Wo shakhs mujh se bohat badguman sa rehta Hai

Ye baat uss se kaho bhi tou soch ker Kehna

 Kabhi wo chaand jo pooche k sheher kaisa Hai

Bujhe bujhe hue lagte hain baam-o-darr Kehna

Wo aik main k mera sheher bhar ko apne Siwa

Teri wafa ke taqaazon se be-khabar kehna

Wo aik tu k tera her kisi ko mere Baghair

Maamlaat-e-Muhabbat mein muat'bar Kehna

Wafa ki tarez hai Mohsin kii misslehat kia Hai

Ye tera Dushman-e-Janna ko bhi chara'gar Kehna

Syed Mohsin Naqvi 

Haseen Lagta Thaa Hum Ne Jinn Dinno Mein Uss Ko Dekha Thaa

Haseen Lagta Thaa Hum Ne Jinn Dinno Mein Uss Ko Dekha Thaa

Basanti Mausmon Beegti Ruton Mein Uss Ko Dekha Thaa

Ussi Ke Aks Ne Aankhain Khumar-e-Khawab Se Bhar Dein

Chamakte Chaand Jaise Aainon Mein Uss Ko Dekha Thaa

Jisse Abb Rait Ke Kache Gharondon Se Muhabbat Hai

Samandar Ke Sunehre Paniyon Mein Uss Ko Dekha Thaa

Jo Tanhai Kii Chaadar Ohrr Ke Sota Hai Raston Mein

Kabhi Iss Shehar Kii Sabb Mehflon Mein Uss Ko Dekha Thaa

Bagolon Ko Pehan Ke Abb Jo Sehra Mein Bhatkta Hai

Gulabo Yasmin Ke Janglon Mein Uss Ko Dekha Thaa

Jo Apne Qarya-e-Dil Kii Udaasi Se Behalta Hai

Ghataon Se Ghiri Gum Bastiyon Mein Uss Ko Dekha Thaa

Zaroot Hai Jisse Abb Dhoop Ka Ujla Kafan Mohsin`

Badan Par Barf Ohre Parbaton Mein Uss Ko Dekha Thaa

Mohsin Naqvi.

"Ham jo tariik rahon may marey gaye" by "faiz ahmad faiz" english translation.. (After reading the letters of Julius and Ether Rosenberg)

I longed for your lips, dreamed of their roses:

I was hanged from the dry branch of the scaffold.

I wanted to touch your hands, their silver light:

I was murdered in the half-light of dim lanes.

And there where you were crucified,

so far away from my words,

you still were beautiful:color kept clinging to your lips–

rapture was still vivid in your hair–

light remained silvering in your hands.

When the night of cruelty merged with the roads you had taked,

I came as far as my feet could bring me,

on my lips the phrase of a song,

my heart lit up only by sorrow.

This sorrow was my testimony to your beauty

Look !

I remained a witness till the end,

I who was killed in the darkest lanes.

It’s true– that not to reach you was fate

but who’ll deny that to love you was entirely in my hands?

So why complain if these matters of desire brought me inevitably to the execution grounds?

Why complain? Holding up our sorrows as banners,

new lovers will emerge from the lanes where we were killed and embark, in caravans, on those highways of desire.

It’s because of them that we shortened the distances of sorrow,

it’s because of them that we went out to make the world our own,

we who were murdered in the darkest lanes.

shadows

Such nights have also passed

when your memory did not flare,

pain quivered in the heart

but no complaint to share.

Every sin appears to the fore

like dark rocks in a row,

there is neither a plea to break the rocks,

nor seek release, not move to go.

Such nights have also passed

when on your ways, everywhere

there were shadows, here and there,

leaping up and down,

down and up.

You weren't there, there were shadows like you,

shadows in dance all about,

I wasn't there, there were shadows like me,

shadows in tremor,

shadows and shadows, shadows of pathways.

Such nights have also passed

when your memory did not flare.

saaye

aisii raateN bhii ka’ii guzrii haiN

jab terii yaad nahiiN aayii hai

dard siine meN machaltaa hai magar

lab pe faryaad nahiiN aatii hai

har gunaah saamne aa jaataa hai

jaise taariik chaT-TaanoN kii qataar

na ko’ii hiilaa-e-teshaa-kaarii

na madaavaa-e-rihaa’ii, na faraar

aisii raateN bhii haiN guzrii mujh par

jab terii raah-guzar meN saaye

har jagah chaar taraf the chhaaye

kabhii bhaage, kabhii aaye

tuu na thii, terii tarah ke saaye

saaye hii saaye the raqsaaN

maiN na thaa, merii tarah ke saaye

saaye hii saaye the larzaaN larzaaN

saaye hii saaye terii raahguzaar ke saaye

aisii raateN bhii haiN guzrii mujh par

jab terii yaad nahiiN aayii hai

Detached

I cant sleep my heart is shattered,

I’m going to replace everything that mattered,

There’s no one in this life to trust,

My cold metal heart is bound to rust,

Everyday is getting old,

What other problems will life unfold?

Take a deep breath of air, fill my lungs with THC,

For a couple hours my stress is free,

I ponder how to improve the situation,

10 steps forward without hesitation,

Everything makes sense, the timing was right,

A step from the past is a tough fight,

Not one tear im proud to say,

My life is just a different shade of gray.

Gillah..

Zindagi se yehi gilaa hai mujhe

Tu bahut der se mila hai mujhe

Hamsafar chaahiye, hujoom nahin

Ek musaafir bhi, qaafila hai mujhe

Dil dhadakta nahin sulagtaa hai

Woh jo khwahish thi, aabala hai mujhe

Lab-kusha hoon to is yakiin ke saath

Qatl hone ka hosala hai mujhe

Tu mohabbat se koii chaal to chal

Haar jaane ka hausla hai mujhe

Kaun jaane ki chaahaton maiN FARAZ!

Kya ganwaaya hai, kya mila hai mujhe

Buhat Umeed rakhna aur Phir Bay-aas hona bhi!

Buhat Umeed rakhna aur Phir Bay-aas hona bhi!

Bashar ko Maar deta hay buhat Hassas hona bhi!

Suno ik Kaan say aur dusray say Phenk do baahar,

Buhat Takleef-deh hay Sahib-e-Ehsaas hona bhi!

Yunhi tu Abr-e-Rehmat ki Talab karta nahen koi,

Zaruri hay muqaddar mein Zara si Pyaas hona bhi!

Buhat say Qalb Ruk jatay hein Khusheyon ki Khabar pa kr,

Hamein tu Khoob Jachta hay Ghamoun ka Raass hona bhi.

Teri nigaah ke jadu

Teri nigaah ke jadu bikharte jate hain

Jo zakhm dil ko miley woh bharte jate hain

Tere bagher woh din bhi guzar gaye akhir

Tere bagher yeh din bhi guzarte jate hain

Liye chalo mujhe darya-e-shauk ki maujo

Ke hamsafar tou mere paar utarte jate hain

Tamaam umar jahan hanste khelte guzaari

Ab us gali mein bhi hum darte darte jate hain

Mein khawhishon ke gharonde banaye jata hoon

Woh mehntain meri barbaad kiye jate hain