Yaad

Judaai k Mosam mein, Utarti Shaam se Pehle,

Meri Yak-Basta Aankhon mein, Khaamoshi Raqs karti hai,

To Usski Yaad ki Payal, Yun Meray Kaan mein Aa kar,Mussalsal Chanchhanati hai,

To Phir Yak-Dam Khaamoshi ka, "Tassalsul" Toot jata hai,

Phir aisey mein koi "Koyal", Baray hi Qarb se Kookay,

To yun Mehsoos hota hai, k jaise Be-Sabab koi,

Kissi ko "Yaad" karta hai. . . .

December thehr jaey too..

DECEMBER aa k Dareechon me jb thehr jaayE

To dewaaron pE Calendar bdlney sE Yadein nahi jateen..!!

aey naye saal bataa..!

Ay Naey Saal Bata Tujh Main Naya'pan Kia Hy?

Har Taraf Logon Ne ik Shor Macha Rakha Hy.

Roshni Din Ki Wohi
Taroon Bhari Raat Wohi,

Hum Ko to Ab Bhi Nazar Aati Hy Har Baat Wohi.

Aasma'n Badla, Na Badli Hy Yeh Afsurda Zameen,

Eik Hindsay Ka Badalna Koi Jiddat To Nahin.

Besabab Dety Hain Kiun Log Mubarak Baadain,

Kia sabhi Bhool Gaey Waqt Ki Karvi Yaadain.

Tu Naya Hy To Dikha Subho Nayi Shaam Nayi,

Warna In Aankhoun Ne Daikhay Hain Naey Saal Kai..!

Ghazal..

Apne Maazi Ke Tasawwur Se Hiraan See Hoon Main
Apne Guzre Huye Aiyaam Se Nafrat Hai Mujhe…

Apni Bekaar Tamannaon Pe Sharminda Hoon
Apni Be-sood Umeedon Pe Nidamat Hai Mujhe…

Mere Maazi Ko Andhere Mein Daba Rahne Do
Mera Maazi Meri Zillat Ke Siwa Kuch bhi Nahin…

Meri Ummeedon Ka Haasil, Meri Kaawish Ka Sila
Ek Be Naam Aziyat Ke Siwa Kuchh Bhi Nahin…

Kitni Be-kaar Umeedon Ka Sahara Le kar
Main Ne Aiwaan Sajaaye thay Kisi Ki Khatir…

Kitni Be-Rabt Tamannaon Ke Mubham Khake
Apne Khwaabon Mein Basaaye thay Kisi Ki Khatir…

Mujh Se Ab Meri Mohabbat Ke Fasane Na Kaho
Mujhko Kahne do K Main ne Unhen Chaha Hi Nahin…

Aur Woh Mast Nigahen Jo Mujhe Bhool Gayeen
Main Ne Un Mast Nigahon Ko Saraaha Hi Nahin…

Mujhko Kahne Do K Main Aaj Bhi Ji Saktee Hoon
Ishq Nakaam Sahi , Zindagi Nakaam Nahin…

Unko Apnane Ki Khwahish, Unhen Paane Ki Talab
Shauq Bekar Sahi, Saiye Ghum Anjaam Nahin…

Wohi Kushboo, Wohi Nazrein, Wohi Aariz, Wohi Jism
Main jo Chahoon To Mujhe Aur Bhi Mil Saktein Hain…

Woh Kanwal Jinko Kabhi Un Ke Liye Khilna Tha
Unki Nazron Se Bahut Door Bhi Khil Saktein Hain…….!!!!!