Raqs karny ka mila hukm jo dariyaon men.
Ham ne khush ho k bhanwar bandh liye paaon men.
Un ko bhi hai kisi bhegy hoy manzar ki talash.
Boond tak bo na saky jo kabhi sehraon men.
Ay mere hamsafro tum bhi thaky haary ho.
Dhop ki tum to milawat na karo chhaon men.
Jo bhi aata hai btata hai naya koi Elaaj.
Bat na jay tera bimaar masihaon men.
Hosla kis men hai Yusof ki kharidari ka.
Ab to mehngai k charchy hain Zulekhaon men.
Jis barehman ne kaha hai k ye saal acha hai.
Os ko dafnao meri haath ki rekhaon men.
Wo khuda hai , kisi tooty hoy dil men ho ga.
Masjidon men osy dhondo na kalesaon men.
No comments:
Post a Comment