Qissa e dard

Raah e dushwaar ko tabdeel nahi kar saktay.
Ay muhabbat teri tazleel nahi kar saktay.

Husn e tarteeb bhala ishq mein kab hota hai.
Az sar e no isay tashkeel nahi kar saktay.

Aap kehtay hain bicharr jaao hamesha k liye.
Aap k hukam ki ta'meel nahi kar saktay.

Is adhoori si muhabat ko bhulana behtar.
Jis ki hum mar k bhi takmeel nahi kar saktay.

Qissa e dard chupa rakha hai dil mein apnay.
Ham bayaan sub say ye tafseel nahi kar saktay